Wisconsin Tus Txheejtxheem Pabcuam Neeg (Client Assistance Program (CAP)) Yog Dab Tsi??

Wisconsin Tus Txheejtxheem Pabcuam Neeg (Client Assistance Program (CAP)) rau tsim los ntawm tsoom sawv cev pejxeem los qhia txheejxwm txog tej kev pab uas muaj rau cov neeg xiam oob qhab thiab muab pab rau cov neeg uas tsi paub mus nrhiav tej kev pab uas tau muaj nyiaj pab los ntawm Rehabilitation Act.

CAP Yuav Los Pab Leej Twg?

Cov neeg uas tab tom nrhiav kev pab los ntawm Division of Vocational Rehabilitation (DVR), Kev pab los ntawm American Indian Vocational Rehabilitation Projects, thiab/losyog kev pab los ntawm Independent Living Centers (ILC) hauv Wisconsin. Nyob hauv tsoomfwv txoj cai, cov kev pab no yuav tsum tau muab qhia rau tug neeg uas thov kev pab los hauv CAP thaum lawv tsis tau txais kev pab lawm, los kev pab raug txo, losyog raug pauv lawm; yog pom tias ib tug twg tsi muaj feem tau kev pab lawm; losyog nws txoj kev pab raug kaw tsi raws li nws xav.

CAP Txoj Kev Pab

1. Cov ua haujlwm hauv CAP yuav qhia txog kev Pab Tsim Neej Tshiab thiab Pab Kev Noj Nyob Ntawm Tus Kheej hauv Wisconsin.
   
   
2. Cov ua haujlwm hauv CAP yuav qhia txog tej yam kev pab uas koj yuav tau txais los ntawm Tus Neeg Nplij Npliag Rov Tsim Neej, Tus Kws Qhia Pib Ua Neej Ntshiab, losyog lwm qhov Chaw Cob Qhia Kev Pib Neej Tshiab.
   
3. Cov ua haujlwm hauv CAP yuav pab ntsuas saib koj puas tau txais kev pab cuam tsimnyog lis koj cheemtsum tau.
   
   
4. Cov ua haujlwm hauv CAP yuav pab daws teebmeem ntawm koj thiab Tus Neeg Nplij Npliag Rov Tsim Neej, Tus Kws Qhia Pib Ua Neej Ntshiab, losyog cov neeg ua haujlwm Pab Kev Noj Nyob Ntawm Tus Kheej (VR Counselor, Rehabilitation Teacher, Independent Living Center).
   
   
5. Yog daws kev covnyom tsi tau li xav, cov tub ua haujlwm hauv CAP yuav pab qhia koj kom mus nrhiav tug neeg mus foob losyog pab txog cai lij choj los hais yog pom tias tej yam kev pab uas koj tsimnyog tau ho raug luag tsi pom zoo rau koj lawm.

Koj Yuav Tsum Tau Paub

• Kev pab los ntawm CAP yog dawb xwb. CAP pab rau txhua tus neeg uas xiam oob qhab.
  
  
• CAP yuav them tej nqi rau tug neeg txhais lus thiab tej nqi txhais ntaub ntawv ua yog tuaj ntsib cov ua haujlwm hauv CAP. CAP muaj kev pab xws li pab cov neeg dig muag uas xua co pob ntawv, luam kom tug ntawv loj, los yog lwmyam uas xav tau. Peb yuav pab txhua tug neeg hauv Wisconsin no. Yog koj xav ntsib peb, cov ua haujlwm hauv CAP yuav tuaj rau ntawm nej lub zej zos.
  
  
• Txhua yam uas koj qhia peb ntawm yog ib qho uas peb yuav tsi piav tawm rau lwmtug yog tsi tau kev tsocai los ntawm koj.
  
  
• Yog koj xav kom peb pab txog kev xyuam phaj foob, koj yuav tsum ntsib cov ua haujlwm hauv CAP UA NTEJ koj yuav xyuam phaj.
  
  
• Tej lus uas koj xyuam phaj foob yuav muaj feem kawg qub kawg ntsis li cas xwb li. Yog koj tsis ntsib CAP ua ntej uas koj foob, peb yuav pab tsis tau koj.
  
  
• Cov ua haujlwm hauv CAP yuav tsi pab txog tej yam uas koj tsi xav tau. Yog tias peb pom tau tias koj cov lus yuav tsi hnyav txaus hais rau saum cai, peb yuav piav qhia rau koj tias peb pabtsis tau koj. Koj yeej muaj cai xyuas phaj foob ib lub koom txoos twg los tau yuav nyiam yog CAP pab thiab tsis pab los tau.